Miss Piggy

Já það er greinilega komið sumar á klakanum. Við mæðginin skelltum okkur í tveggja tíma göngutúr í dag í sólinni. Ég uppskar fínan sólbruna hér og þar og sit því hér rauðflekkótt og agalega smart

Svo sat ég hér í rólegheitum að gefa Sævari þegar skjálftinn mikli reið yfir. Ég hélt að glerhurðirnar ætluðu úr skápnum hjá okkur, slík voru lætin. Ég fann svo tvo eða þrjá eftirskjálfta seinna. Mér stóð nú hreint ekki á sama í þessum látum, var eiginlega bara skíthrædd… Sonurinn lét þetta að sjálfsögðu ekki fá og var hálf fúll yfir því að vera truflaður af múttunni í matartímanum

Í dag myndu svo vera sjö vikur síðan sonurinn kom í heiminn - sjii hvað tíminn líður hratt. Hann verður farinn að labba áður en ég veit af!

Hver er svo með í göngutúr í næstu viku?

Þar sem Sævar Þór er orðinn mánaðargamall þá er Finnur búinn með fyrsta hluta af fæðingarorlofinu sínu. Við mæðginin erum því orðin tvö eftir í kotinu á daginn og þiggjum að sjálfsögðu félagsskap þeirra sem eru líka heima á daginn Það gengur bara svona ljómandi vel hjá okkur að vera bara tvö og við biðjum daglega um frábært sumar svo við getum verið sem mest utandyra í góðu veðri að viðra okkur

Set svo inn eina mynd af Sævari Þór sem var tekin í gær - orðinn nokkuð sperrtur og flottur svona mánaðargamall

Í dag er sonur okkar mánaðargamall. Í dag fékk hann líka nafn Hann var skírður Sævar Þór sem er í höfuðið á öfum hans, þ.e. seinni nöfn beggja afa hans.

Dagurinn var yndislegur í alla staði, frábær prestur, æðislegar veitingar og bara allt gekk upp, allavega er litla fjölskyldan vel sátt við daginn Við sjáum mynd

Jáh! Haldiði ekki bara að maður sé orðinn tuttuguogsjö… Þetta styttist alltaf