Miss Piggy

Svo virðist sem snúningsstraumarnir héðan og þaðan hafi virkað. Allavega staðfesti ljósan það í gær að McBumbos liggur ekki lengur þvert Hún gat hins vegar ekki vitað hvort barnið er í höfuðstöðu eða sitjandi stöðu, það kemur vonandi í ljós í næstu viku.

Annars er frá því að segja að ég er nú formlega komin í fæðingarorlof. Ég fer sumsé ekki að vinna fyrr en í febrúar á næsta ári. Búin að skila inn læknisvottorði og taka til á borðinu mínu í vinnunni. Þetta er nú alveg pínu skrýtið að vakna þegar Finnur fer í vinnuna til þess eins að fara fram í stofu og leggjast uppí sófa. Ég er því heima og til í alls konar skemmtilegheit ef einhver á lausan tíma whenever

Eðli málsins samkvæmt er því ekki til mikið efni í bloggfærslu svo ég bið ykkur bara vel að lifa

Fjúff! Þvílík helgi…

 Það byrjaði nú allt saman á fimmtudaginn þegar ég fór í mæðraskoðun og þaðan beint heim. Mér var sem sagt harðbannað að fara að vinna, er að fara til læknis á morgun og þá kemur í ljós hvort ég fái eitthvað að fara að vinna aftur. Ef ekki, þá er um það bil eitt ár þar til ég fer út á vinnumarkaðinn aftur. Það finnst mér pínu skrýtið! Nú þarf svo að vinna í því næstu vikuna að fá orminn til að snúa sér. Krílið liggur sumsé þvert - með höfuðið undir hægri rifbeinunum á mér og þvert yfir bumbuna. Eðli málsins samkvæmt er ekki hægt að fæða barn sem liggur í þeirri stellingu þannig að nú er bara að krossa putta og vona að McBumbos sé ofsalega hlýðið barn og verði komið í rétta stöðu eftir rúma viku

Föstudagurinn rann svo upp og byrjaði hann á beikonsteikingu hjá mér. Elsku uppáhaldsuppáhaldið mitt varð þrítugur á föstudaginn og að sjálfsögðu fékk hann morgunmat í rúmið og pakka Dagurinn fór svo í undirbúning á mega-partýinu sem við héldum um kvöldið. Þvílíkt sem dagurinn heppnaðist vel og sáttara afmælis”barn” hef ég bara aldrei séð

Í gær smelltum við okkur svo í dansskóna og fórum á árshátíð Nýherja þar sem Finnur byrjar að vinna þar 3. mars nk. Geggjaður matur og góð skemmtiatriði verð ég nú bara að segja. Fullt af skemmtilegu fólki sem kom og talaði við “nýja manninn” og leggst þessi breyting því bara vel í fjölskyldumeðlimi Hugsa nú samt að þetta útstáelsi á okkur hafi verið það síðasta á meðgöngunni. Bumban er aðeins farin að taka í og þá er bara langbest að vera í þægilegum fötum

 Hér má svo sjá McBumbos í öllu sínu veldi á leiðinni á árshátíð

Aaaaahhh! Mikið finnst mér þetta veður hressandi. Var alveg komin með ógeð á snjó og hálku. Ekki óléttri konu bjóðandi að labba í þessari færð - ekki einu sinni frá bíl og að húsi.

Skellti mér á Háskóladaginn á laugardaginn - fann nám sem mig langar ó svo mikið í. Meistaranám í blaða- og fréttamennsku. Hægt að taka það á lengri tíma en tveimur árum svo ég gæti byrjað strax í haust í fæðingarorlofinu… Miklar og djúpar pælingar í gangi í hausnum á mér þessa dagana hvað þetta varðar.

Febrúar er búinn að vera fáránlega lengi að líða. Samt á þetta að vera stysti mánuður ársins… Í dag er þó 18. febrúar sem þýðir það að besti pabbi minn á afmæli í dag - ekki einu sinni orðinn fimmtugur kallinn Eftir fjóra daga mun svo annar af stórviðburðum ársins eiga sér stað, þegar minn heittelskaði smellir sér yfir á fertugsaldurinn Legg ekki meira á ykkur hihi

McBumbos er alltaf jafn hress - bíður eflaust í ofvæni eftir að komast í heiminn eftir sirka sex vikur. Allavega er ég orðin nett spennt yfir komu erfingjans. Ætla að fara á fullt (eins mikið og ég kemst á fullt hehe) í undirbúningi þegar undirbúningi afmælispartýsins er lokið.

Að lokum - vantar einhvern sófasett? ÞARF að losna við sófasettið sem er í barnaherberginu okkar…

Síðastliðið föstudagskvöld var snææælduvitlaust veður í höfuðborginni og almannavarnir báðu fólk um að vera ekkert á ferðinni. Tjah - Tæknisvið Vodafone lét það ekki stoppa sig og hélt þorragleði. Alveg hreint ágætasta kvöld - þrátt fyrir að maturinn hafi lyktað eins og úldið skópar. Við þurftum að keppa í óhefðbundinni íþróttakeppni þar sem yours truly gegndi mikilvægu hlutverki sem snú-snú-snúari. McBumbos var sem sagt ekki alveg til í að hleypa mömmu sinni í einhverjar æfingar og tróð sér því sem fastast útí horn sem hamlaði öllum hreyfingum hjá mér. Ég stóðst nú samt ekki mátið og tók þátt í körfubolta-vítaskotakeppninni. Seinna um kvöldið vippar samstarfsmaður minn sér að mér og spyr mig hvort ég hafi ekki verið í körfunni hjá Njarðvík. Honum var fúlasta alvara og ég náði að halda andliti þar til ég settist í sætið mitt aftur… ég held ég hafi aldrei komið til Njarðvíkur

McBumbos var samt ekki hress með æfingarnar og var mikið að hugsa um að koma í heiminn á sunnudaginn. Allavega átti ég orðið ansi bágt með að liggja/standa/sitja/anda/gera eitthvað en það leið svo hjá á endanum. Í samráði við yfirmanninn verður þessi vika því tekin í minni vinnu eða að vinna heima. Þessa stundina er ég að vinna heima (er ekki í vinnupásu - kerfið er bara dáááldið hægt í gegnum svona heimatengingu) og get sagt ykkur að ég verð mætt fyrst niðrí vinnu í fyrramálið. Almáttugur hvað ég hef ekki þolinmæði og geðheilsu í að horfa á tölvuna reyna að vinna. Sjáum svo hvað ljósan segir í næstu skoðun.

Framundan er svo heill hellingur eins og venjulega. Það þarf t.d. að fara að moka útúr einu herbergi í þessari íbúð og gera það íbúðarhæft, síðan þarf að halda uppá stórafmæli uppáhalds uppáhaldsins, árshátíð Nýherja er einnig framundan (jebb, uppáhaldið er að skipta um vinnu) sem og páskarnir og ýmislegt fleira. Það yrði því afskaplega vel þegið ef McBumbos gæti haldið sér þarna inni í eins og sjö vikur í viðbót

Talan tíu getur verið rosalega há tala. T.d. þegar maður varð tíu ára - þá fannst manni það nú heldur betur stórafmæli. Að fá tíu í einkunn í skóla er rosalega há einkunn, en í mínu samhengi akkúrat núna er talan tíu alveg rosalega rosalega lág.

Horfðu á alla puttana á þér - þeir eru tíu. Ef þú beygir tvo niður, þá standa eftir átta - sirka ein og hálf hönd. Ef þú beygir síðan aðra tvo niður þá er eftir ein heil hönd og einn putti. Alls ekki svo mikið…

Ég áttaði mig sem sagt á því í morgun að það eru í allra allra mesta lagi 10 vikur í dag þar til við fáum McBumbos í hendurnar… Það er alls ekki langur tími. Sérstaklega þar sem það eru bara 8 vikur (þið munið, ein og hálf hönd) í settan dag. Núh og ef þetta barn er eitthvað að flýta sér, þá skiptir engu þó það komi eftir 6 vikur - það telst samt full meðganga…

Mér finnst hreint ekki svo langt síðan ég sat í útilegustól að króóókna úr kulda 27. júlí sl. og sannfærði tengdapabba minn um að mig langaði hreint ekkert í bjór eða hvítvín. Laumaðist svo í Egils Kristal þegar enginn sá til… enda var mig farið að gruna ýmislegt.

Þetta styttist… og styttist… fjúff hvað ég er farin að hlakka til