Miss Piggy

Í gærkvöldi skelltum við Finnur okkur í bíó - það hefur ekki gerst síðan síðasta sumar Myndin Knocked up varð fyrir valinu og mæli ég eindregið með henni, sérstaklega ef þú ert “knocked up”. Allavega fékk ég nokkrum sinnum flashback frá síðustu vikum á meðan myndin rúllaði - og núna gat ég hlegið, þó ég hafi ekki getað það þá

Það er allavega ljóst að 02.04.08 mun vera gríðarlegur gleðidagur í okkar lífi, það er að segja ef sumir eru jafn tímanlega og akkúrat í þessu og ég var

 

Óska ykkur góðrar helgar

Ég er svo heppin að vinna þannig vinnu að stundum get ég bara stungið headphones í eyrun og hlustað á þá tónlist sem mig langar. Setti playlistann á random og lag númer 54 er lagið Hedonism með þeirri geðþekku hljómsveit Skunk Anansie…

Þá rifjaðist nú upp fyrir mér að ég hef gerst svo fræg að fara á tónleika með þessari hljómsveit. Varla hafa þeir verið mjög frábærir því ég get ekki með nokkru móti munað hvernig stemning var á tónleikunum né heldur með hverjum ég fór… Kannast einhver við það að hafa farið með mér á tónleika með Skunk Anansie?

Man samt að miðarnir voru keyptir fyrir mig í Bókval á Akureyri og gott ef tónleikarnir voru ekki í Laugardalshöllinni… Fleira man ég eiginlega ekki

Ástæða minnisleysisins getur ekki hafa verið áfengisdrykkja því það er klárt mál að þessir tónleikar hafa verið löngu áður en ég fór að hafa vit á því að sulla í svoleiðis…