Miss Piggy

Í dag myndu vera tíu ár síðan Díana prinsessa dó… það var einmitt einhver umræða hér áðan - manstu hvar þú varst þegar þú fékkst fréttirnar? Ég man t.d. að ég var í Reykjavík í heimsókn hjá Svönu minni, gisti á dýnu á gólfinu og við vorum að rumska um það leyti sem fréttirnar bárust og fannst þetta alveg hrikalegt.

Annars er Rúdolf mættur aftur í vinnuna - jább, búin að vera lasin heima í tvo daga með stórkostlega haustflensu. Hrikalega leiðinlegt að hanga svona lasinn heima hjá sér, fannst samt ekkert leiðinlegt að uppáhaldsuppáhaldið mitt skyldi vorkenna mér svo mikið að hann gaf mér pakka í gær affí að ég var svo mikill slappihaus Gott að eiga góða að

Flöskudagur í dag - kvöldið verður tekið í óhollustu- vídeókvöld hjá okkur systkinunum þar sem ma og pa stungu Eyþór af til útlanda og Finnur hefur titil að verja í golfmóti Vodafone, svo við systkinin ætlum bara að hafa það kóóós

Góða helgi!

Suma daga er bara alveg obbosslega gaman að vera ég. Ekki út af neinni sérstakri ástæðu endilega - bara almennt gaman að vera ég. Dagurinn í dag er einmitt einn af þessum dögum… samt er mánudagur

Vonandi er líka gaman hjá ykkur á þessum ágæta mánudegi

Á dögum eins og þessum á maður bara að vera undir sæng að horfa á vídjó… Get þó huggað mig við það að það eru einungis 119 dagar þar til við förum til Flórída Nálgast óðum

Matarklúbburinn var algjör snilld eins og við var að búast - mannskapurinn var þó helst til rólegur og vil ég kenna ofáti um rólegheitin. Það er bara ekki hægt að hoppa og vera með almenn drykkjulæti með magann fuuuuuullan af hrikalega góðum mat. Humarinn, kjúllinn og eftirmaturinn toppaði hvert annað alveg hægri vinstri

Annars finnst mér voða kósý að það sé að koma haust. Elska að það sé farið að dimma aðeins svo maður getur bara haft það huggó á kvöldin með kertaljós og rauðvín Rétt í þessu var einmitt verið að taka ákvörðun um að endurverkja spilaklúbbinn sem var öflugri en mafía síðasta vetur - ekki spurning um að halda því áfram

Segið mér eitt… Hversu oft hafa fyrirtækin sem þið vinnið hjá, slegið upp þvílíku rosapartýi, bara vegna þess að starfsfólkið er svo frábært, sem gerir það að verkum að fyrirtækið gengur vel? Í gærkvöldi var, að ég held, þriðja eða fjórða slíka partýið sem ég hef farið í á vegum vinnunar minnar… og þvílíkt partý!

Eftir að hafa hlustað á hljómsveitina Flís og fengið rauðan fordrykk og horft á eldspúandi menn á Austurvelli trillaði hersingin inn á Nasa. Þar var að sjálfsögðu hellt í fólk af miklum móð og síðan hófst dagskráin. Bubbi reið á vaðið og tók nokkra slagara, síðan var komið að Sprengjuhöllinni með sitt prógram. Nýjasta afsprengi Einars Bárðar, Luxor, var með sína generalprufu, og boj ó boj geta þeir sungið, mössuðu Groban alveg flott og að þeim loknum tók Páll Óskar við og hélt uppi dúndrandi stemningu. Partýinu var svo slúttað með balli með SSSól… Haldiði ekki að ég vinni hjá skemmtilegasta fyrirtækinu eða hvað?

Matarklúbbur í kvöld - ég er orðin svöng

Djö.. var ég EKKI hress í gærkvöldi þegar dyrasíminn gaf til kynna að einhver hamaðist á bjöllunni niðri… Þar voru að verki einhverjir útsendarar frá þeirri ógeðisstofnun rúv - að kvarta yfir því að við værum hvorki með útvarp né sjónvarp skráð hjá okkur. Við megum því búast við skemmtilegum reikningi frá þeim á næstunni. Og ég bara spyr. Er fólk í alvörunni að kvarta og nöldra og tuða og væla yfir því að “þurfa” að borga svo og svo mikið fyrir Sýn2 (nærtækt dæmi þar sem flest allir karlmenn eldri en 20 ára eru búnir að grenja úr sér augun í fjölmiðlum landsins yfir þessu). Ég ÞARF að borga fyrir rúv, þrátt fyrir að horfa A L D R E I á þessa skelfilegu sjónvarpsstöð. Skárra væri það nú ef ég þyrfti að borga fyrir sjónvarpsstöð sem ég virkilega hefði áhuga á að horfa á (og í Sýnar2 tilfellinu er áskriftin val, ekki skylda). Ég skal verða fyrsta manneskjan til að “segja upp áskriftinni” þegar afnotagjöldin á þessari stofnun verða lögð niður!

Annars styttist í helgina sem þýðir að það styttist í að Matarklúbburinn Kiddi verði sameinaður - ég fer fljótlega á límingunum af spenningi

Verslunarmannahelgin var róóóóóóleg og ljúf. Byrjuðum reyndar á því að skutla “litla” bróður mínum í Þorlákshöfn svo hann kæmist nú til Eyja og skunduðum síðan þaðan og í afmæli til Heiðdísar. Sökum viðbjóðis pensilíninntöku (sem til allrar hamingju lýkur á morgun), drakk ég bara Peffsí Max og varð ekki meint af. Veitingarnar voru ekki af verri endanum og skemmtunin hin allra besta. Þó ég væri eina edrú manneskjan á svæðinu, entist ég samt á djamminu til fimm um morguninn og finnst mér það segja nokkuð um stuðið Singstar er heldur ekkert leiðinlegt. Takk fyrir ammælið Heiðdís mín - það var sko algjört æði

Framundan er svo önnur rólegheitahelgi, enda þýðir lítið annað en að slappa af fyrir endurfundi Matarklúbbsins Kidda sem fara svo fram helgina þar á eftir. Jimundur minn hvað ég hlakka óóóskaplega mikið til… Fjúff! Er ekki frá því að það séu allavega þrjú ef ekki fjögur ár síðan við borðuðum og drukkum saman síðast. Meeeen hvað þetta verður gaman Ég tala nú ekki um þegar einn meðlimur skreppur fram og til baka Ísl-Dk-Ísl sama daginn, bara svona til að redda restinni af veigunum

Annars er lítið annað að frétta - bara hið ljúfa líf eins og venjulega

Það er komin verslunarmannahelgi sem þýðir það að Heiðdís mín er orðin árinu eldri. Hlakka til að koma í ammæli til þín og fá peffsí Eða eitthvað annað…

Til hamingju með daginn krúsin mín

Annars er planið bara að vera heima um verslunarmannahelgina og slappa af. Er alveg ómögulega að nenna í rennblauta útilegu eitthvað útírassgat. En þið sem ætlið í ferðalag - góða ferð og skemmtið ykkur fallega. Já og keyrið eins og manneskjur