Miss Piggy

Það styttist í kosningar - það er nokkuð ljóst. Um miðjan dag í dag dinglaði hér einhver kona og gaf okkur rós frá Samfylkingunni. Hálftíma seinna dó rósin í vatninu hjá mér. Ég veit ekki hvort þetta segir eitthvað til um hvernig Samfylkingunni mun vegna í þessari baráttu. En pointið með þessu fattaði ég ekki alveg.

Verandi afskaplega (understatement) ópólitískt fólk, stakk Finnur uppá því um daginn að við söfnuðum saman öllum kosningaáróðri sem bærist í pósti og skráðum niður símtöl og böggandi veiðimenn á ýmsum götuhornum, og kysum síðan þann flokk sem áreitti okkur minnst. Mér fannst það góð hugmynd… Óþolandi bögg alltaf þegar fer að nálgast kosningar!

Annars var ég myndarleg húsmóðir þessa helgina og skellti í pönnsur í dag - búin að eiga forláta pönnsupönnu í mörg ár og aldrei notað hana fyrr en nú. Afraksturinn var nokkuð góður bara

Minnið mig síðan á að ég ætla einhvern tíma að gefa út bók um hávaðasama nágranna… Ég hef víst ágætis reynslu af slíku. Ég meina hver nýtur þess ekki að vakna um níuleytið á sunnudagsmorgnum við undurfagurt gítarspil og enn fegurri söng nágrannans, sem hefur svo mikla tröllatrú á sjálfum sér að hann þagnar ekki tímunum saman? Love it…

Það að vera vaknaður klukkan þrjú að nóttu til er ekki uppáhaldið mitt. En þegar ferðinni var heitið til Köben var mér aaalveg sama. Við vorum sem sagt komin uppá völl klukkan hálffimm, tékkuðum okkur inn og héngum síðan í fríhöfninni þar til við fórum í loftið.

Í grófum dráttum var ferðin svona:

-Bjór

-H & M

-Labb

-Bjór

-Bjór

-Árshátíð

Árshátíðin var aaalgjör snilld. Við vorum sótt á báti á hótelið og sigldum í hálftíma þar til við komum á skemmtistaðinn Halvandet. Þar tók á móti okkur geeeeggjaður fordrykkur. Staðurinn var mjög hrár en andstæðurnar gerðu hann rosa flottan. Starfsmannafélagið og fleiri skemmtikraftar voru búin að gera Skaup sem var sýnt við gríðarlegan fögnuð. Maturinn var mjög góður og að sjálfsögðu var opinn bar - svona eins og hjá alvöru fyrirtækjum. Bátarnir komu svo og sóttu okkur og sigldu með okkur til Nyhavn þaðan sem við röltum svo á einhvern agalega hot klúbb sem heitir Emma. Annað hvort var ég dottin úr öllum djammgír eða þá að staðurinn var ekki alveg að gera sig, allavega dóum við Finnur úr skynsemi og vorum farin að sofa klukkan þrjú.

Ég var óendanlega fegin morguninn eftir að fröken þynnka bankaði ekki uppá hjá mér. Flestir sem voru að tékka sig út í lobbýinu voru hálfglærir Eftir um eins og hálfs tíma labb vorum við komin á Laundromat kaffihúsið og hittum þar Elínu Björk, Ása og Hildi (sem var maki okkar Finns alla helgina), borðuðum góðan mat og spjölluðum. Síðan tókum við því bara rólega þar til rútan fór uppá völl aftur. Það voru ansi þreyttir ferðalangar sem skriðu uppí rúm þegar klukkan var langt gengin í þrjú á mánudagsnótt.

Ferðin fær sex bjóra af sex mögulegum! Ég vinn hjá skemmtilegasta fyrirtækinu með skemmtilegasta fólkinu

Báturinn sem sótti okkur og fór með okkur á árshátíðina

Hildur var brjálæðislega hress

Fallega fólkið

Klassi…

Lýsandi fyrir stemningu ferðarinnar

Fleiri myndir á myndasíðunni minni hér til hægri.

Jiminn eini hvað það var óóóógeðslega gaman Ég vinn náttúrlega klárlega hjá besta fyrirtækinu með skemmtilegasta fólkinu, þvílík snilld Ferðasagan kemur örlítið seinna, ég er nebblilega pínu þreytt og búin að labba upp að hnjám!

Pííínu spenningur í loftinu

Ætlaði bara að óska ykkur góðrar helgar, ég veit að mín verður eftirminnileg

Eftir nákvæmlega viku verður klukkan að slá 19:00 í Kaupmannahöfn. Ég pant sitja á einhverjum djúsí veitingastað með góðu fólki þá. Meeeeen ég get varla beeeeðið eftir því að komast í vorfílinginn í Köben. Held það sé spáð um 25 stiga hita þar um helgina. Það er víst bara upphitun fyrir það sem koma skal

Ætlaði annars bara að óska ykkur góðrar helgar - mín verður afskaplega ljúf

Á þessu heimili hafa páskarnir verið ákaflega rólegir og ljúfir. Nýja eldavélin hefur staðið fyrir sínu og töfrað hverja glæsimáltíðina á fætur annarri á eldhúsborðið. Maður verður nú að bjarga sér En ég vil samt þakka eldavélinni fyrir þetta allt saman, ég var bara til sýnis í eldhúsinu. Rúntuðum líka í Grímsnesið í hádegismat í gær, vá hvað ég væri til í að eiga sumarbústað, þvílíkt ljúft að komast aðeins úr borginni

Og ef mér misreiknast ekki, þá eru um 7 vinnudagar þar til við förum til Köben. Vííííí, það verður sko endalaust stuð og ég er farin að hlakka þvílíkt stuð

Vona annars að páskaeggin hafi runnið ljúft ofaní ykkur og að páskarnir ykkar hafi verið ljúfir

Í síðustu viku fékk ég tölvupóst og í subjectinu stóð “skráning móttekin”. Ég var svo sem ekki alveg að kveikja en las síðan að ég hafi verið skráð til þátttöku í SVO-factor, sem er söngkeppni starfsmannafélags Vodafone. Ég á sumsé frekar fyndna samstarfsfélaga. Ég reyndi að fá þessa skráningu ógilda en það heppnaðist ekki alveg. Þannig að á föstudagskvöldið var mér rúllað uppá svið á Ölver og mér réttur míkrafónn og þar gaulaði ég eins og eitt stykki lag. Tveimur tímum síðar stóð ég svo aftur á sama sviðinu með glænýjan síma í höndinni að syngja sama lagið… Minns vann nebblilega Alveg sátt við það, en finnst það samt freeekar fyndið

Í gærkvöldi bauð ég síðan uppáhaldsuppáhaldinu mínu á deit. Förinni var heitið í Iðnó að sjá leikritið Pabbinn. Það er sjálfstætt framhald af Hellisbúanum og ég get svo svarið það að það er sjúúúklega fyndið. Allavega var ég farin að grenja úr hlátri og leikarinn var svo sleginn út af laginu vegna hláturskastanna í áhorfendum að hann gleymdi einu sinni hvar hann var staddur í leikritinu þar sem hann hló svo mikið sjálfur. Algjörlega þess virði að eyða einu laugardagskvöldi þarna, mæli hiklaust með því

Framundan er svo þriggja daga vinnuvika og laaaaangt helgarfrí, ljúfa lífið