Erum við ekkert að djóka…
… með þennan ógeðis kulda sem er úti. Ég er nú með nokkuð þykkan rass en hélt að hann frysi af mér á leiðinni í vinnuna - og jú, ég var í bíl.
Það er eins gott að það verði ekki svona sjúklega kalt á laugardaginn þegar við mútta tútta ætlum að fara í jólaleiðangur 
Mitt plan er að kaupa allar jólagjafirnar um helgina, eitthvað af skrauti og vera svo reddí með jólasveinahúfuna og hreindýrshornin þegar mér verður gefið grænt ljós á að mega drita þessu dóti niður um íbúðina… hvenær sem það nú verður.
Annars er bara stuð og stemning og almenn yfirvinna sem einkennir nóvembermánuð - góð helgi framundan og ekki yfir neinu að kvarta
Ég er á leið suður á bóginn um helgina. Það er samt alveg ljóst að ég næ ekki að vera nógu lengi til að fá að njóta gestrisni þinnar og ekki er einu sinni víst að ég komist alla leið í Reykjavíkina því tuðruspark helgarinnar verður á sunnudagseftirmiðdegi í Mosó. En ég sé að þú átt góða helgi framundan, mín verður ekki jafn góð og þín, það skulum við hafa alveg á hreinu :S
Æji.. hin rómaða gestrisni (*hóst* uppblásin vindsæng á gólfinu, rússaljós og gardínulaust herbergi) í Laufrimanum bíður þá bara næstu ferðar…
Við erum svo væntanleg í höfuðstað norðursins 1. des
Talandi um kulda þá er mín stödd á Akureyri þessa stundina og var að koma inn úr 15 stiga frosti!!! Brrrrrr!!! Held í alvöru að tærnar séu við það að detta af!!!
En góða helgi gellsí…