Miss Piggy

Ohhh mér finnst svo gaman að eiga svona bleika og fallega síðu, en sakna samt ennþá nafnsins á svínið mitt (og hin dýrin líka ef út í það er farið).

 Á laugardaginn var konu- og karlakvöld Vodafone og var þvílíkt stuð. Við stelpurnar hittumst á Kaffi Reykjavík þar sem snittur og vín var í boði, ásamt happdrætti og hjálpartækjakynningu. Strákarnir komu síðan til okkar af karlakvöldinu, þar sem Finnur komst að því að það er óskemmtilegt hlutverk að vera keila. Saman var svo farið á Nasa þar sem Skítamórall hélt uppi stuðinu.

Eftir ansi mikinn letisunnudag rifum við okkur upp og brunuðum í Hafnarfjörðinn í smá krúttbossaklípingu. Davíð Carl lék að sjálfsögðu á als oddi og kyssti kaffikönnuna í gríð og erg - svona skínandi fín kaffikanna þar sem hann sá spegilmynd sína og smellti ákaft kossi á sjálfan sig í “speglinum”.

Í gærkvöldi bauð Vodafone starfsfólkinu á Mýrina. Ég verð nú bara að segja það að mér fannst myndin ótrúlega góð og alls ekki svona týpískt íslensk. Mæli allavega hundraðprósent með henni

Framundan er svo bara vinna og vinna og smá afslöppun meðfram því

Þurfti ekki annað en að minnast á hvað hin síðan var orðin ógeðslega blá og ljót þegar þessi stórfína síða með óendanlega krúttuðu svíni var komin upp Ég á nú besta kærastann í öllum heiminum Og ekki nóg með það, ég get víst valið um krúttudýr svona eftir veðri og vindum, tjah eða skapgerð þess tíma

Óska því eftir tillögum að nafni á svínið mitt sæta.

P.s. Nóvember Bambi er ekki möguleiki, það er upptekið